PROTESTA CONTRA A LOMCE

LETRAS GALEGAS 2013

Achéganse as Letras Galegas e este ano Roberto Vidal Bolaño, vai encher de teatro as nosas aulas. esta semana daremos comenzo a grabación dunha obra de teatro que vai conxugar o seu ben facer creativo e artístico. 

"O DÍA DAS LETRAS GALEGAS", CADA 17 DE MAIO, FOI INSTITUÍDA NO ANO 1963 POLA REAL ACADEMIA GALEGA PARA CONMEMORAR A PUBLICACIÓN DO LIBRO DE ROSALÍA DE CASTRO " CANTARES GALLEGOS", UN 17 DE MAIO DE 1863,CONSIDERADA COMO A OBRA LITERARIA QUE INICIA O "REXURDIMENTO" DA LITERATURA E DA CULTURA GALEGA MODERNA. A PROPOSTA DE CELEBRAR ESE DÍA FOI FORMULADA POR TRES MEMBROS DA REAL ACADEMIA GALEGA, MANUEL GÓMEZ, XESÚS FERRO COUSELO E FRANCISCO FERNÁNDEZ DEL RIEGO.

A primeira escritora homenaxeada, no ano 1963, foi a mesma Rosalía de Castro  seguíndolle en anos posteriores: Alfonso Castelao, Eduardo Pondal, Francisco Añón,  Curros Enríquez, López Cuevillas..

Mentres aquí quedan uns enlaces interesantes para afondar máis na vida e obra deste autor.

SEMINARIO GALÁN

ACTIVIDADES



ACTIVIDADES LIM VIDAL BOLAÑO

OBRADOIRO DE TOPONIMIA

O vindeiro venres estarán na escola Rosana e Xosé Lois, xogando con nós e coa TOPONIMIA...vaia, e que é iso, un novo xogo?, que significa esa palabra profe?...ten que ver cos topos?...  que vos parece se imos empezando por facernos preguntiñas e ofrecendonos respostas, e podemos ler  o conto dos Bolechas e a orixe dos nomes dos lugares... contarnos cousiñas que saibamos, podemos preguntar na casa, buscar nos libros, nos contos...e quizais incluso nos nosos soños ( Eu :" Soñei cun fermoso lugar que se chamaba Vozqueimado; o seu nome gustoume moito, e investigando, atopeino aquí na nosa fermosa Galicia, nun lugar pretiño de Manzaneda ou tamén chamada Cabeza Grande polos triveses, onde os trasnos todavía comen grans de millo, pero de tres en tres, e as súas trasnadas son escritas pola xente do lugar debaixo daquel fermoso castiñeiro, no libro das palabras do vento... e sabedes que me dixeron os trasnos?... moi baixiño dixéronme que significaba Bosque queimado, ...será certo?") ,...a ver vós que coñecedes que haberá lugares moi interesantes .E para que non se nos esquezan as cousas  imos apuntalas, e con moita ilusión, agardamos por Rosana e Xosé Lois para seguir aprendendo moitas máis cousiñas...mirade este video e temos o  power point para traballar con el,...e o venres vémonos.

     Mirade o que están a facer no concello de Vigo...tamén xogan coa toponimia! e que cousiñas tan interesantes teñen recollidas xa no blog! ata mesmo estamos nós. Que bo traballo están facendo. Moitos parabens dende Barrantes!

Toponimia de Vigo

Día do libro, 23 de abril

A celebración do día do libro remóntase a principios de século. A historia do libro faise festiva e surxen actividades literarias en toda España. Hoxe, o día 23 de abril celébrase en todo o mundo, o Día do Libro internacional.

A orixe do día do libro remóntase a 1930. O 23 de abril de 1616 falecían Cervantes e Shakespeare. Tamén nun 23 de abril naceron - ou morreron - outros escritores eminentes como Maurice Druon, K.Laxness, Vladimir Nabokov, Josep Pla ou Manuel Mejía Vallejo. Por este motivo, esta data tan simbólica para a literatura universal foi a escollida pola Conferencia Xeral da UNESCO para render unha homenaxe mundial ao libro e os seus autores, e alentar a todos, en particular aos máis novos, a descubrir o pracer da lectura e respectar a insubstituíble contribución dos creadores ao progreso social e cultural.

A idea orixinal desta celebración partiu de Cataluña, do escritor valenciano Vicente Clavel Andrés, propoñéndoa á Cámara Oficial do Libro de Barcelona. Pouco despois, en 1930, instáurase definitivamente a data do 23 de abril como Día do Libro mundial, onde este día coincide con Sant Jordi (San Jorge), patrón de Cataluña e Aragón e é tradicional que os namorados e persoas queridas se intercambien unha rosa e un libro.

O Día do Libro foi proposto pola Unión Internacional de Editores (UTE), e presentada polo goberno español á Organización das Nacións Unidas para a Educación, a Ciencia e a Cultura (Unesco). En 1995, aprobouse proclamar o 23 de abril de cada ano o "Día Mundial do Libro e do Dereito de Autor".

RTVE- LA VUELTA AL MUNDO EN 80 LIBROS - PROGRAMA RADIOFÓNICO

OS CONTOS DA RATA LUISA

e ti...por que les?

2 de abril Día do Libro Infantil

O 2 de abril conmemórase un ano máis o nacemento do "Poeta dos nenos", Hans Christian Andersen. En honor a el proclamouse esta data como o Día Internacional do libro infantil

Biografía de Andersen

DE CONTIÑO EN CONTIÑO

Onde está Polonia e Estonia?

O pasado 22 de marzo Iwona e Marín estiveron con nós achegándonos xogos do seu pais, o seu idioma, a súa cultura...pasámolo estupendamente. Moitas gracias!

O roteiro de Rosalía de Castro

Os de 4 anos estamos dende hai dúas semanas co proxecto de Rosalía de Castro. Estamos aprendendo moitas cousas acerca dela e disfrutamos das súas poesías,...si profe pero son sempre moi tristes...por que estaba Rosalía tan triste? por que as campanas de Bastabales non poden tocar contentas?...profe eu sei xa a canción de adios ríos , adiós fontes...do libro de Follas Novas...seguimos a disfrutar con Rosalía, e xa temos o noso recuncho, que tamén é do cole e estamos a pintala...é máis grande ca min profe!...

Fundación e casa museo Rosalía de Castro

AELG le a Rosalía



Aquí temos un documental de Rosalía de Castro que fixo a TVE da serie Mulleres na Historia.

CARREIRA POLO SAHARA
Non pudo estar mellor o día, que iluminou con ese sol fantástico e   acompañou os nosos sorrisos e as nosas ilusións por axudar aos nenos e nenas do Sahara. 



RTVG

Máis fotos en infomiño

ESPECIAL - ESCOLARES DE TOMIÑO REALIZAN NHA CARREIRA SOLIDARIA POLA PAZ

Fecha: 01/03/2013

Fuente: Infomiño.com

Celebrouse o pasado Xoves día 28 de Febreiro de 2013 no Espazo Fortaleza de Goián - Tomiño  

O Espazo Fortaleza de Goián acolleu na mañá do pasado Xoves día 28 de Febreiro de 2013 unha carreira solidaria co fin de recadar fondos para o programa "Vacacións en Paz", polo que cada verán veñen a Galicia e tamén a Tomiño nenos e nenas saharauis.

Case 800 nenos e nenas dos centros educativos de primaria e infantil de Tomiño(Barrantes, Pedro Caselles, Goián, Sobrada e Tebra) participaron nesta carreira contando coa colaboración do Concello, da Asociación de Comerciantes (Adeto) e da ONG Solidariedade Galega co Pobo Saharauí.

Preto das 10:30h da mañá tiña comezo a actividade cunha pequena presentación no Auditorio do Espazo Fortaleza, e de seguido comezou a actividade deportiva nun circuíto preparado, duns 300 metros de extensión que transcorreu ao lado da Fortaleza de San Lourenzo de Goián, habendo outro máis curto para o alumnado de infantil.

Cada neno o nena fixo o maior número de voltas posible, co que sumou "metros de solidariedade". En cada volta, os pequenos collían un garavanzo, que logo se sumaban á hora de entregarlles o diploma. Ademais, o alumnado buscou patrocinadores entre familiares, amigos ou veciños, que se comprometeron a pagar un diñeiro por volta realizada, aínda que a cantidade de diñeiro recadado non se saberá ata o vindeiro 9 de marzo.
Cada participante tiña un carné, onde figuraba o patrocinador e o número de voltas efectuadas.

Sobre as doce foi o peche do acto coa interpretación dunha canción conxunta ("Fuxan os ventos", de Celso Emilio Ferreiro, nunha versión do grupo "Irmaus").

Os pequenos tiveron tamén a oportunidade de coñecer unha "jaima" coma as do Sáhara, que se instalou nas inmediacións do Espazo Fortaleza, para a ocasión.

Os organizadores agradeceron a participación do alumnado e as súas familias, así coma o apoio do Concello de Tomiño, Adeto e demais colaboradores.

ENTROIDO 2013

Este ano a "Ventoleira de choqueiros " chegou a Barrantes da man das filloas, orellas  e de postres riquísimos que fixeron as nosas familias. Quisemos recuperar unha tradición popular na que hai anos  a xente disfrazábase con roupa vella ou empregaba a de sexo contrario. E os molinillos de vento encheron de cores este entroidiño ventoleiro...

CONTO NA AREA. ARTEAREA

Os de 4 anos estivemos facendo un conto na area que imos publicar en breve. No proxecto do Sahara aprendimos moitas cousas e dicidimos facer un conto traballando precisamente co material que se atopa no deserto: a area.  Tamén atopamos area nas nosas praias, pero non so,...que máis cousas pode haber?...Cristais erosionados...barro erosionado. E se probaramos a crear con area, cristais, e barro...a ver a ver ...que ven o pasamos! Eso si, botamos en falta a Laura que sigue enferma...queda a túa páxina pendiente ata que veas...bicos de area quentiña!

OS DE INFANTIL ESTIVEMOS NO VIVERO DE BACELO
E alí chegamos os de infantil de Barrantes, e nos recibiron con moitisimo cariño. Nós que ainda que somos exploradores natos, inquedos de pensamento e acción,...tamén somos quen de dicir, quen de agradecer, quen de reter, quen de lembrar, e como non quen de soñar...gracias a Manolo, Salvi, Juan e Lalo, porque compartiron con nós agasallándonos o seu tempo e o seu traballo, do que aprendemos moitísimas cousas ( o que alí había! ata tiñan unha máquina matabichos profe!...non, so mataba aos malos!...eso, eso que as mariquitas son boas...non miraches como comían os PULMÓNS...bueno chámanse pulgóns...Non había moitas flores, pero plantas si, e plantamos LILIUM que sairá de cor amarela. E estivemos na camara fría onde conxelan flores...no, as conservan para que aguanten máis tempo fermosas.
E a parte escura onde había soles profe? Os crisantemos necesitan estar sin luz para que den bonitas flores...increible! Gracias pola fermosa visita e polos agasallos que tivemos: gorras, bolis, as plantas, flores preciosas...