DA HORTA Á BIBLIOTECA

Os de 3º e 4º fixemos a primeira experiencia piloto no centro de recollida de productos do invernadoiro ( espinacas, leitugas, acelgas...) Traballamos cooperativamente distribuíndonos o traballo e cada un aporta o seu traballo:  clasificamos, rexistramos con fotos, lavamos os productos, presentamos e fixemos a tenda, o cartel, os prezos, mercamos, vendemos, e sobre todo disfrutamos moitísimo. Puidemos observar e traballamos o circuito de comercio. Cos cartos obtidos imos mercar libros para a biblioteca. Como aprendemos, como disfrutamos, como vivimos!






SEMENTEIRA 1º E 2º

Hoxe achegámonos á sementeira, pero vindo de lonxe. Dende os primeiros asentamentos neolíticos e dende o proxecto de centro " Un brinco no tempo " achegámonos á agricultura ao descubrimento das primeiras sementes, á importancia dos asentamentos das poaboacións, ao cambio da paisaxe, a relevancia social da agricultura, aos primeiros aparellos, aos do siglo pasado, aos actuais, e á actividade de facer semilleiros para despois pasar as plantiñas á horta, ás necesidades das sementes para converterse en plantas, ás flores, ás estacións, aos froitos...ao círculo da vida. Entre leitugas, guisantes, e pepinos... fixemos deste mércores un día moi leitugueiro. Gracias profes, nenos e nenas por disfrutar das pequenas grandes cousas!

entroido 2014

un brinco no tempo
O venres 28 celebramos o entroido no cole. O tempo pareceu facer unha tregua e deixounos disfrutar do evento con moitas ganas. Os clans do pasado vestíronse de futuro, e así dende a prehistoria demos un brinco no tempo para convertirnos en CAVERROCKS, O CLAN DA ESCURIDADE, CLAN DA HARMONÍA E SKATERS. Ata o meco estivo moi contento porque alomenos de momento non foi queimado. Os sorrisos acompañáronnos toda a mañá e disfrutamos moitísmo tamén coas familias, que como todos os anos preparan uns postres de entroido deliciosos para compartir todos xuntos entre fondos de Calcoboteiros. Moitas gracias, nenos, nenas, profes, familias, ...e bo entroido!

OBRADOIRO DE ROSQUILLAS

 O xoves 27 foi un día especial...estivemos de cociñeiros facendo rosquillas...que si, que mirade con atención que despois ides facelo vós. E así foi, entre ingrediente e ingrediente sorriso e sorriso, e entre limón e laranxa ...que rico ! que rico!.

Rosquillas para o entroido, rosquillas para amasar, para sentir, para saborear, para aprender...para facer!
E que ben nos viu que o meco nos mandase traer  un mandil !

calcoboteiros

Dende o Calcolílico as formas nas pedras chegaron,

e cos boteiros boas migas fixeron,

que subiron ás paredes do colexio,

e de momento de alí, non baixaron.

UN AGUJERO EN EL TIEMPO

Este conto foi elaborado polos nenos e nenas de 3º enmarcado dentro do proxecto de centro "Un brinco no tempo" facendo un percorrido dende a prehistoria e a arte rupestre ata a arte local.

Xa chegou Filosofía á biblioteca

 O 12 de febreiro Filosofía  chegou a Tomiño. É a curmá de Paulino, o noso trasno da bilbioteca e recibiu unha mensaxe deste pedíndolle un favor. Ela traballa nas bibliotecas de Sofilandia, ao sur de Portugal, pero agora está  de visita e...

O caso é que Paulino estará de viaxe dúas semanas para investigar a chegada dun personaxe misterioso que ocupou a biblioteca sen presentarse. Só sabe que se chama Calco Tetón. E Filosofía tamén está intrigada. Ela mesma tamén chamará a Sofilandia por se alí saben algo deste personaxe novo que apareceu sen máis.
Coas présas deixou os carnés preparados e as normas da biblioteca pero hai que entregalas e por iso pídelle a Filosofía que llas entregue ela.
Filosofía está encantada e feliz de poder estar no cole de Barrantes, que nunca antes tivera a oportunidade de facelo, só por teléfono.
Paulino pídelle que entregue os carnés dicindo aos nenos/as a importancia do uso deste para ir á biblioteca e coller un libro en préstamo.. e  as normas  que estarán tamén nun lugar moi visible da aula e na biblioteca.
Filosofía fala moitos idiomas, pero ten un problema...Non sabe falar galego. O profe Iván preguntoulle aos nenos que poderían facer e acordamos entre todos axudala para que aprenda o noso idioma. Gracias Filosofía, porque chegaches chea de soños e sorrisos e porque descubrimos que nas bibliotecas de Sofilandia medrán árbores que dan de froito libros, e que no teu gorro está almacenado todo o teu saber, que é moito, e non podes sacalo, e que lendo nace dentro de nós esa cousiña que se chama, ahh  siii....querer e amar! E queremos libros, queremos enchernos de vida, de personaxes, de aventuras, de imaxinación...e queremos compartilos, soñar xuntos, aprender xuntos...Gracias Filosofía. Esperamos que o teu regreso sexa pronto.

TALLER DE PREHISTORIA- A ARTE RUPESTRE NAS COVAS

Dende o proxecto que estamos a desenvolver de " Un brinco no tempo" centrado na prehistoria e na arte local,  esta semana fixemos un roteiro polas covas do paleolítico que se atopan nalgunhas aulas do centro. Despois baixamos a cova principal e xuntamonos alí para falar da vida no paleolítico, deste tempo de empezar a andar na historia da humanidade, da vida, da caza,... da arte rupestre, dos motivos que pintaban,...e experimentamos coas nosas mans e con diferentes tipos de pigmentos orgánicos, vexetais, minerais... Ademáis no noso blog de " Recuncho de Paulino" da biblioteca temos moitos recursos para traballar a prehistoria e a arte local...seguimos camiñando no tempo!

SEMANA DA PAZ

Esta semana estamos celebrando no cole A Paz. Dentro de nós, en cada un de nós, nos pequenos e nos grandes momentos, nos momentos de soidade e nos compartidos, nos momentos de gañar e nos momentos de perder, nos momentos de compartir, nos de recibir e de dar...contigo, con aqueles e os de máis alá...

...A PAZ É COUSA DE TODOS!
Este ano quisemos darlle un protagonismo especial aun dos representantes por excelencia da Paz,  Nelson Mandela ( Madiba) que acompañounos no percorrido da mesma a través da súa vida, recreada polos nenos e nenas de 1º. Coa música de Pablo Milanés e a súa canción sobre Nelson Mandela achegámonos un pouquiño  máis dentro de nós a el e Silvio Rodríguez  fixo que descubríramos sentimentos de paz.
No cole cada aula de infantil e primaria  fixemos unha letra da pancarta e coas fotos de todos os nenos e nenas, mestras e mestres, coidadoras, perosal de limpeza e cociña,...compuxemos con fotos TODOS, porque todos somos esenciais para crear tempos de paz, tempos de facer ben, tempos de sorrisos e de apertas, tempos de compartir, ...entre TODOS. 


Pablo Milanés


Silvio Rodríguez

Estivemos en Naturnova

 Os de 1º e 2º ciclo estivemos en Naturnova, centro interactivo de educación ambiental para estimular o coñecemento do mundo que nos rodea, aprender a valoralo, respectalo e querelo. Percorremos o universo, a galaxia, o sistema solar, e chegamos ao noso planeta, e descubrimos os elementos que condicionan a vida ( o solo, a auga e o aire) e os seres vivos cos que compartimos o noso espacio.  Miramos como nos relacionamos co medio, como empregamos os recursos como nos afecta ao utilizalos e como temos que buscar solucións a moitos problemas que estamos creando. Pasámolo estupendamente e aprendemos moitísimas cousas.

Despois estivemos en Caixanova nunha actuación musical. Estivo xenial.

Plantando ornamentais

O pasado 22 de xaneiro Noemí chegou á escola cargada de xeranios, surfinias,...para plantar cos
de , 1º, 2º,3º,4º e despois se engadiron os de 5 anos. Resultou moi ben a actividade porque primeiro explicouse o que se ía facer, os nomes das plantas, as condicións para que medraran ben, o que iamos facer, coidalas ...así que as `plantamos, as regamos e as levamos ao invernadoiro, para que estiveran quentiñas... que si, que si...que nos lembramos das partes da planta,e do...CEPELLÓN.

PLANTANDO ALLOS E CEBOLAS

Os de 1º e 2º estivemos plantando os allos e as cebolas no invernadoiro. Así co bulbo abaixo, facemos un buratiño, metémolo, botamos terra e despois regamos. Falamos das propiedades que teñen os allos e as cebolas e o ben que nos sentan na nosa dieta. Temos que comer cebolas e allos ...non si?

FESTIVAL DE NADAL


Que ben o pasamos! Bo Nadal e ledicia co desexo que o ano que ben sexa  mellor e que o bo facer chegue sempre onde medran pouquiño a pouco todas as ilusións que temos.

XA CHEGOU PAPA NOEL

E as súas cariñas dicíano todo! Sorrisos de ilusión con este Papa Noel tan divertido que chegou para facer medrar de novo os soños de pequenos e grandes...

11/12/13- CHARLA SOBRE ACOSO ESCOLAR

Esta semana tivemos no cole aos gardas civís Miguel e Borja, que falaron aos de 4º, 5º e 6º dun tema moi interesante e preocupante no eido escolar. Tanto o  acoso escolar como o ciber acoso son formas de violencia que se dan entre iguais tanto dentro da escola ( acoso) como na rede  ( ciberacoso). Súfreno moitas nenas e nenos con repercusións moi negativas no seu benestar, desenvolvemento e no exercicio dos seus dereitos. Os gobernos, autoridades educativas, as mestras e mestres, familias, e os mesmos nenos podemos facer que esto non ocorra. Todos os nenos e nenas sin excepción, teñen dereito a ser protexidos de todas as formas de violencia e desenvolvemento do seu potencial de aprendizaxe nun ambente seguro.

.
Puidemos ver este video, que nos pareceu moi interesante con eles. Moitas gracias por facernos tomar conciencia.

Árbore Ambiental

Os nenos e nenas de 5º curso axudáronnos a descubrir a importancia do día 11 de decembro- Día Internacional das Montañas.

As montañas abranguen o 27 por cento da superficie da terra e desempeñan un papel crucial no avance do mundo cara ao crecemento económico sostible. Non só achegan o sustento e o benestar a preto de 720 millóns de persoas que viven nelas, senón que ademais benefician indirectamente a miles de millóns de persoas que residen nas terras baixas.

As montañas, en particular, subministran auga doce, enerxía e alimentos, recursos que serán cada vez máis escasos en décadas futuras. Non obstante, tamén albergan un alto grao de pobreza e son moi vulnerables ao cambio climático, a deforestación, a degradación dos chans e os desastres naturais.

O reto está en identificar oportunidades novas e sostibles que poidan achegar beneficios tanto ás comunidades das terras altas coma das terras baixas e axudar así a erradicar a pobreza, sen contribuír por iso á degradación dos fráxiles ecosistemas de montaña.

O compromiso e a vontade de avanzar nesta causa reforzáronse durante o Ano Internacional das Montañas en 2002, e as montañas adquiriron un perfil cada vez máis destacado nos programas de todos os niveis.

 E COLOCAMOS A FLOR DAS MONTAÑAS NA ÁRBORE MEDIOAMBIENTAL. GRACIAS PEQUES !

Inauguración do Invernadoiro Barrantiño

O  pasado 5 de decembro tivemos a inaguración do noso Invernadoiro Barrantiño. Este foi construido a finais do curso anterior coa colaboración das familias. Preparamos a terra, a toma de auga interior,  colocouse o grifo ( coa colaboración do concello) e finalmente puidemos por fin comenzar a plantación do mesmo, con coles de bruselas, verdura blanca, cebolas, allos, leituga,...
xa temos ganas de vela medrar!

Esta é a noticia na Voz de Galicia do xoves 6 de dembro de 2013

10 DE DECEMBRO- DÍA MUNDIAL DOS DEREITOS HUMANOS

No noso blog de biblioteca- O recuncho de Paulino- temos recursos para traballar os Dereitos Humanos.
Aquí:

http://recunchopaulino.blogspot.com.es/

XA EMPEZAMOS OS ENSAIOS PARA NADAL... Os de infantil cantarán todos xuntos esta panxoliña. Tamén bailarán e cantarán outras que iremos colgando na rede.

Buscando unha estrela

Os pitiños buscaban unha estrela E cando a atoparon Bailaron con ela Lai, laralai, larala, A quen queres ti alumear? Ao neno que xa naceu Nesta noite de Nadal. Os gatiños buscaban unha estrela E cando a atoparon Bailaron con ela Lai, laralai, larala, A quen queres ti alumear? Ao neno que xa naceu Nesta noite de Nadal. Os peixiños buscaban unha estrela E cando a atoparon Bailaron con ela Lai, laralai, larala, A quen queres ti alumear? Ao neno que xa naceu Nesta noite de Nadal

Os de 5 anos tamén bailarán !  Last Christmas

ROY CASAL EN BARRANTES

O mércores 26 de novembro Roy Casal e Silvia Ferre estiveron na escola amenizando unha tarde de outono que chegou chea de ledicia e sorrisos...e palmas, e din, dan!. Gracias por facer que a vosa música chegue por todos os sentidos. Ademáis o voso percorrido polo tempo a través da historia e das vosas composicións  permitiunos achegarnos un pouquiño máis á música a través dos vosos instrumentos. Gracias por chegar a nós.






SAÍDA AO RÍO PEGO

Os de 5º e 6º saímos ao río Pego a observar a calidade do mesmo: hidromorfolóxica, biolóxica, e fisicoquímica. Así analizamos o habitat, o bosque de ribeira, o caudal do río, a presencia de alteracións, a temperatura, a presencia de nitratos, o osíxeno disolto,...a presencia de macroinvertebrados, plantas acuáticas, as árbores, os anfibios ( ras), as especies invasoras,...estivemos moi motivados facendo esta actividade e o resultado foi que a calidade deste tramo que temos "adoptado" e boa. Agora mandaremos os datos ao proxecto ríos como xa fixemos o ano pasado. Estupendo! o fixestes xenial!